Ra’iisul Wasaare ku-xigeenka dalka Mahdi Maxamed Guuleed (Khadar) ayaa Magaalada Muqdisho ka daahfuray shirka Somali Development Reconstruction Facility.
Shirka ayaa waxaa ka qeyb galay Guddoomiyaha Gobolka Banaadir ahna Duqa Muqdisho Mudane Cumar Maxamuud Maxamed ( Filish ), Dawlad Goboleedyada dalka  iyo Beesha Caalamka.
Guddoomiye Cumar Finish ayaa sheegay in warbixin Hay’adaha beesha Caalamka uu ka siinay horumarka iyo dib-u-dhiska Cassimadda ka socda.
Shirka SDRF ayaa intii uu socday waxaa hadallo ka jeediyey Ra’iisul Wasaare ku-xigeenka dalka Mudane Mahdi Maxamed Guuleed (Khadar) iyo wakiilo ka socday hay’adaha caalamka ee taageera Soomaaliya.
