Wararka ka imaanaya Degmada Guriceel ee Gobolka Galgaduud ayaa waxa ay sheegayaan in halkaasi saakay Kaalin Shidaal oo ku taalla uu ka kacay dab xoogan,kaasi oo geystay khasaaro hantiyeed.
Dadka deegaanka ayaa waxaa ay inoo sheegeen in dabka uu yahay xoogan,isla markaana uu socdo gurmad lagu deminayo dabkaas oo ay ka qeyb qaadanayaan qeybaha kala duwan ee bulshada ku dhaqan halkaasi.
Sidoo kale waxaa la sheegayaa in dabku uu kusii fiday goobo ganacsi oo hor leh,waxaana ku jirto Shirkadda lagu magacaabo Beder,taasi ku taalla Nawaaxiga uu dabka ka kacay.
Dabkaan ayaa waxa uu geystay Khasaaro hantiyeed,inkastoo aan weli la shaacin inta uu la egyahay.
