Warar dheeraad ah ayaa ka soo baxaya Dab Khasaaro hantiyadeed geystay oo xalay saqdii dhexe ka kacay goobo ganacsi oo ku yaalla Wadada Maka Al-mukarama gaar ahaan Isgoyska Dabka.
Dabka ayaa waxaa la sheegay inuu ahaa mid xoogan oo socday saacado badan,kaasi oo markii hore ka bilowday dhismo dukaaman ah Guryo ah,waxaana markii dambe uu kusii faafay goobo ganacsi oo ku ku yaalla Isgoyska Dabka ee Magaalada Muqdisho.
Goobta uu dabka ka kacay ayaa waxaa gaaray gaadiidka gurmadka deg deg ah ee dab demiska,kuwaasi oo ku guuleystay inay demiyaan dabka oo socday saacado dhowr ah.
Dabkan oo ka dhashay Koronto ayaa geystay Khasaaro hantiyadeed oo badan,waxaana uu baabi’iyay goobihii uu dabka ka kacay ee ku yaallay Isgoyska Dabka ee Magaalada Muqdisho.
