Sawirro:-Daacish-ta Somalia oo sheegtay in dagaalamayaal Ajaaniib ah laga dilay

Muuqaal Video ah oo ay Daacish-ta ka dagaalanta gudaha Somalia soo bandhigeeen ayaa lagu sheegay in dhowr Dagaalamayaal haysta Dhalasho Ajaaniib ah looga dilay dagaallo ka dhacay Deegaanadda Puntland ee W/bari Somalia.

Wargeyska Long War ee ka soo baxa Maraykanka ayaa soo bandhigay Sawiradda Dagaalamayaasha ka tirsan Daacish-ta Somalia ee la dilay, waxaana magacyadooda lagu kala sheegay:

1-  Yuusuf  Majeerteeni oo haystay dhalashadda dalka Knaada, isla markaana ahaa Dhakhtar, balse    Daacish ma aysan sheegin goorta la dilay iyo halka lagu dilay.

2-    Bashiir Abu Nucmaan

3- Maxamed Makawei Ibraahim Maxamed oo u dhashay dalka Sudan, kaasi oo ay Alshabaab horey u dileen dabayaaqadii sannadkii 2015-kii.

Dagaalamayaal badan oo ka tirsan Daacish-ta Somalia ayaa la dilay tan iyo sannadkii 2015-kii, sida ka muuqata Muuqaalka Video-ga ee ay soo bandhigeen.

Wargeyska Long War waxa kale oo uu qoray in Maleeshiyada ugu badan ee Daacish-ta Somalia yihiin  Soomaalida Deegaanka, balse waxaa Muuqaalka ka soo muuqday Dagaalamayaal kale oo u muuqday inay ka soo jeedaan Kilinka 5-aad ee Ethiopia ama dalka Jabuuti.

Dhinaca kale, Muuqaalka ay Daacish-ta Somalia baahiyeen waxaa ka muuqday Dagaalamayaal ku dabaalanaysay iyo kuwo ku ciyaarayey Xeebta iyo dhowr kale oo sheegaya inay daacad u yihiin Hoggaamiyaha Guud ee Ururka Daacish, Abu Bakar Al-baqdaadi.

Dhamaadka Muuqaalka Video-ga ee ay Daacish-ta Soomaaliya baahisay waxaa ka muuqda Weerar Is-qarxin ah oo bishii Feberaayo ee sannadkii 2017-kii ka dhacay Hotelka Village Hoteel ee magaalladda Bosaaso iyo Is-qarxin kale oo bishii Maarso ee  isla sannadkaasi ayla beegsaday Ciiddan ka Ammaanka Puntland ee ku sugnaa Bosaaso.