Shacabka Reer Falastiin waxay maanta aasayaan 58 qof ee ay Askarta Yuhuudda shalay ku dileen Dibadbaxyadii ka dhacay Marinka Qasa.
Saraakiisha Caafimaadka ee Qasa ayaa sheegay in tirada dadka Falastiiniyiinta ee shalay la dilay gaareen 58 qof, oo uu ku jiray ilmo yar oo ku caburmay Sunta dadka ka ilmeysiisa ee ay Askarta Yuhuudda u adeegsadeen Dibadbaxayaasha.
Madaxweynaha Maamulka Falastiin, Maxamuud Cabaas Abu Maasim waxa uu ugu baaqay Falastiiniyiinta ku nool Daanta Galbeed inay maanta sameeyaan Shaqo-joojin lagu maamusayo Marxiimintii shalay lagu dilay Marinka Qasa.
Dugsiyadda, Jaamacadaha, Bangiyadda iyo dhamaan Goobaha Ganacsiga ee Dowladda iyo kuwa Khaaska ayaa xirnaan doona maanta oo ku beegan 70-sanno guuradii ka soo wareegtay markii ay Yuhuudda xoog kula wareegeen dhulalka Falstiin.
Dhinaca kale, Golaha Ammaanka ee QM ayaa la filayaa inay caawa Kulan Degdeg ah ka yeeshaan colaadda ka taagan Deegaanadda Marinka Qasa, iyadoo ay Askarta Yuhuudda shalay dileen 58 Falastiiniyiin ah..
