Ciidamada Kumaandooska xoogga dalka ee DANAB ayaa Howlgal qorsheysan ka fuliyay deegaano hoostaga Jubbada Hoose, iyagoona sheegay inay ku dileen Saraakiil iyo xubno ka tirsan Al-shabaab.
Ciidamada DANAB ayaa howlgalka sigaar uga fuliyay deegaanada Dhisheeg waamo, Maroodi gubow, Dhaay unbow oo qiyaasti 75km u jirta Magaalada Kismaayo ee Xarunta Gobolka Jubbada Hoose.
Taliyaha Guutadda 16 ee Kumaandooska DANAB Gaashaanle Ismaciil Cabdi Maalik Maalin oo la hadlay Idaacada Ciidamada qalabka Sida ayaa sheegay in Ciidamada Kumaandooska Soomaaliya tageen Saldhigyada Al-shabaab ku lahayeen degaanada howlgalka laga sameeyay.
Taliye Ismaciil waxa uu sheegay in ciidamada ay Howlgalka ku dileen laba Sarkaal iyo 11 Â dagaale oo ka tirsan Al-shabaab, waa sida uu hadalka u dhigay Taliyaha Ciidamada.
Si kastaba Ciidanka DANAB iyo kuwa daraawiishta Jubbaland ayaa dhawaan Al-shabaab kala wareegay deegaanka Jannaay Cabdalle ee duleedka Kismaayo, hayeeshee shalay ayaa waxaa halkaas ka dhacay weerar lagu dilay 16 Askari oo ka tirsan Ciidanka iyo 4 Sarkaal oo Mareykan ah, waxaana weerarkaas sheegtay Al-shabaab.
