Madaxweynaha dowlad Goboleedka Hirshabeelle Cali Cabdullaahi Xuseen Guudlaawe oo uu wehliyo Madaxweyne ku-xigaanka Yuusuf Axmed Hagar Daba-geed ayaa kulan la yeeshay Korneyl Nuur Dheer, Xildhibaano iyo saraakiil kale.
Qoraal kasoo baxay Madaxtooyada Hirshabeelle ayaa waxaa lagu sheegay in Korneyl Nuur Dheer oo kamid ah Saraakiisha kacdoonka Hiiraan uu Madaxweynaha Madaxweyne Guudlaawe ka raali galiyay qadafkii ka dhacay ee uu ku diidanaa Maamulka.
Sidoo kale Madaxtooyada ayaa tilmaamtay in Nuur Dheer iyo Saraakiil kale oo la socotay ay ballan qaadeen inuu diyaar u yahay inuu la shaqeeyo Madaxweynaha Hirshabeelle, uuna Madaxweynaha bogaadiyay imaanshaha uu u yimid waxa uuna aqbalay raali galinta.
Madaxweynaha dowlad Goboleedka Hirshabeelle Cali Cabdullaahi Xuseen Guudlaawe ayaa xaliyay dhammaan tabashooyinkii jiray, isagoo weli Magaalada Baladweyne ee Xarunta Gobolka Hiiraan ka wada kulamo lagu xalinayo tabashada lagu diidanaa.
Tan iyo markii la doortay Madaxweyne Cali Guudlaawe xilka Madaxweynaha Hirshabeelle ayaa waxaa Baladweyne iyo duleedkeeda laga aas-aasay Ciidamo maleeshiyaad ah oo ah kacdoonka Gobolka Hiiraan, kuwaasi oo siweyn uga soo hoejeeda Madaxweyne Guudlaawe inuu tego Baladweyne.
