Marwo Samsam Daahir Maxamuud ayaa ku guuleysatay Kursiga Beesha C/raxmaan Saleebaan ee Wacaysle Abgaal ka heleen Aqalka Sare ee Barlamaanka Federalka ee soo socda.
Iyadoo ku sugan Hoolka Shirarka ee magaalladda Cadaado ayey sheegtay inay arrin Taariikhi tahay inay ka mid noqoto Musharixiinta Dowlad-gobaleedka Galmudug ee ku guuleystay Xubinnimadda Aqalka Sare (Senedka) Barlamaanka Federalka.
Marwo Samsam Daahir ayaa Kursigaasi ku guuleysatay, kadib, markii ay u tanaasushay Gabadhii kale ee ay kula loolami lahaa Kursiga Beesha C/raxmaan Saleebaan ka heleen Aqalka Sare ee Barlamaanka.
Doorashadda Musharixiinta Galmudug ee Aqalka Sare ayaa noqotay Doorashadii ugu adkayd, iyadoo ay ilaa iyo haatan soo baxeen Musharixiinta kala ah:- Abshir Bukhaari, Jeneral Cabdi Qeybdiid, Xildhibaan Cabdi Axmed Dhuxulow, Yuusuf Geelle Ugaas iyo Samsam Daahir Maxamuud.
©Radio Dalsan
