RW ku-xigeenka Xukuumadda oo Maanta gaaray Magaalada Dhuusamareeb

Magaalada Dhuusamareeb ee caasimadda Maamulka Galmudug ayaa waxaa gaaray wafdi uu hoggaaminayay Kusimaha Ra’iisul Wasaaraha Xukuumadda Soomaaliya ahna Ra’iisul Wasaare ku-xigeenka dalka Saalax Axmed Jaamac

Wafdiga Ra’iisul Wasaare ku-xigeenka ayaa waxaa Garoonka diyaaradaha Dhuusamareeb uga hortagay oo kusoo dhaweeyay Madaxweyne ku-xigeenka Maamulka Galmudug Cali Daahir Ciid iyo mas’uuliyiin ka tirsan labada Golle ee Maamulkaas.

Saalax Axmed Jaamc, Kusimaha Ra’iisul Wasaaraha ayaa inta uu joogo caasimadda Galmudug waxa uu kulamo la qaadan doonaa Madaxda Qaranka oo uu horreeyo Madaxweyne Xasan Sheekh Maxamuud iyo Madaxda Galmudug.

Wafdiga la socday Ra’iisul Wasaare ku-xigeenka dalka ayaa waxaa qeyb ka ahaa Wasiirka Maaliyadda Somalia Biixi Iimaan Cige iyo Wasiir Dowlaha Xafiiska Raisalwasaraha mudane Xirsi Gani Lataliyaha Amniga Ra’iisul Wasaraha Kamaal Gutaale iyo mas’uliyiin kale.