Ra’iisul Wasaaraha Xukuumadda Soomaaliya Xasan Cali kheyre oo safar aan horay loo sii shaacin ku tegay Shalay Gelinkii dambe dalka Ruwanda ayaa waxaa lagu wadaa in uu Maanta la kulmo Madaxweynaha dalkaas Paul Kigame.
Labada masuul ayaa waxa ay ka wada hadli doonaan qodobo ay ka mid yihiin xariirka labada dal iyo sidii loo joogtayn lahaa taageerada baaxadda leh ee Midowga Afrika uu siiyo Soomaaliya.
Madaxweynaha Dalka Ruwanda ahna Gudoomiyaha Midawga Afrika iyo Ra’iisul Wasaare kheyre waxa ay isla soo qaadi doonaan arrimaha amniga,maadaama dowladda Soomaaliya ay u diyaar garoobeyso sidii ciidamadeeda amniga dalka u gala wareegi lahaayeen kuwa AMISOM.
Booqashada Ra’iisul Wasaaraha oo aheyd mid deg deg ah ayaa qaadan doonta mudo hal maalin ah,iyada oo qodobada ka soo baxa kulankooda la shaacin doono.
