Ra’iisul Wasaarihii dalka Lubnaan Sacad Xariiri ayaa gelinkii dambe ee Maanta ku dhawaaqay inuu iska Casilay xilkii uu ka haayay dalkaas.
Ra’iisul Wasaare Xariiri ayaa waxaa uu sheegay inuu warqada Is Casilaada uu u gudbinayo Madaxweyne Michel Aoun, iyadoo dibadbaxyo xoogan ay ka socdaan dalkaas, isla markaana lagu dalbanayo in uu xilka ka dego.
Sidoo kale Ra’iisul Wasaarihii dalka Lubnaan ayaa isaga oo Khudbad ka jeedinayay Xarunta Tv-ga dowlada waxaa uu sheegay in go’aansaday inuu xilka Iska Casilo, uuna raabo rabitaalka shacabka dalkiisa.
Dalka Lubnaan ayaa muddo ku dhow labada todobaad waxaa ka socda dibadbaxyo ay dhigayaan shacabka ku dhaqan dalkaas, iyadoona uga soo horjeeda shaqo la’aanta iyo  musuq maasuqa ka jira dalkaas.
