Qaraxaan oo ahaa miinada nooca dhulka lagu aaso ayaa Caawa maqribadii waxa uu ka dhacay xaafada Suuqa xoolaha ee degmada hurwaa ee Gobolkaan Banaadir,sida ay sheegeen dad goobjoogayaal ah.
Qaraxa ayaa waxaa lala eegtay kolonyo ay la socdeen ciidamo ka tirsan AMISOM oo ku socdaalayay Xaafada Suuqa Xoolaha balse la sheegay in ay miinada qaraxday markii Gawaarida AMISOM ay gudbeen.
Dad ku sugan Xaafada Suuqa Xoolaha ayaa waxa ay Dalsan u sheegeen in qaraxa kadib Ciidamada AMISOM ay fureen rasaas,waxana ku geeriyooday Nin Oday ah oo Magaciisa lagu soo gaabiyey Hilowle oo ay haleeshay rasaastii ay Ciidamada ku rideen.
Ciidamada AMISOM ayaa iska-sii watay socdaalkooda,waxana lagu soo waramayaa in xaalada ay caadi ku soo noqotay goobtii uu qaraxa ka dhacay oo markii hore isku-socodka dadka iyo Gaadiidka ay hakad gashay.
