Xoghayaha Guud ee QM, Antonio Guterres ayaa waxaa uu soo dhaweeyey doorka Dowladda Qatar ka qaadatay soo celinta xiriirka Diplomaasiyadeed ee u dhexeeyey Dowladaha Somalia iyo Kenya.
Hadal qoraal oo uu soo saaray Afhayeenka Xoghayaha Guud ee QM, Stephane Dujrik, ayaa waxaa uu ku sheegay inuu Antonio Guterres muujiyey Rajadiisa ku aadan Baaqyadii ka soo kala baxay Dowladaha Somalia iyo Kenya ee Soo-celinta Xiriirkooda.
Qoralka ayaa lagu muujiyey inay Tallaabadaasi horseedi doonto inay labada dal si buuxda u soo ceshan doonan Xiriirkooda, oo lama huraan u ah Degananaashaha iyo Iskaashiga Mandiqadda Geeska Afrika.
Dowladda Federaalka Soomaaliya ayaa khamiistii lasoo dhaafay ku dhawaaqday in ay dib u soo celisay xiriirkii diblomaasiyadeed ee ay la lahayd Kenya, iyadoo la ilaalinayo danaha deris wanaaga iyo xiriirkii soo jireenka ahaa ee labada dal horey uga dhexeeyay.
Madaxweynayaasha labada dal ayaa Amiirka Dowladda Qatar uga mahadceliyay dadaalkii uu ka geystay arrintaan, waxaana Qatar ay galaangal u gashay soo celinta Xiriirka horey u dhexeeyay Somalia iyo Kenya.
