Afhayeenka Aqalka Cad ee looga taliyo dalkaasi, Josh Earnest ayaa sheegay in Maxaabiis badan lo owareejin doono dalal kale, ka hor inta uusan Madaxweyne Obama bishan Janaayo 20-da xilka ku wareejinin Madaxweyne La-doortay ee dalkaasi, Donald Trump.
Ku-dhawaad 20 ka mid ah Maxaabiista ku xiran Xabsigaasi ayaa la xaqiijiyey in dalal kale loo wareejin doono, inkastoo si loo helo Dalal oggolaada qaadanayso waqti-lumis kale.
Hadalka Afhayeenka ayaa soo baxay dhowr saacadood kadib, markii uu Donald Trump bartiisa Twitterka soo dhigay inaan Maxaabiis kale laga sii dayn Karin Xabsiga Guwatanamo Bay.
Waxa uu intaasi ku daray inay Maxaabiistaasi ku jiraan dad khatar badan, oo loo oggolaan doonin inay dib ughu laabtaan goobaha Dagaalka.
Donald J. TrumpThere should be no further releases from Gitmo. These are extremely dangerous people and should not be allowed back onto the battlefield.
Haatan waxaa Xabsiga Guwatanamo ku xiran 59 Maxaabiis Muslimiin ah, kuwaasi oo aan weligooda dacwad lagu soo oogin, lana soo maxkamadaynin.
Ka hor inta uusan Madaxweynihii hore ee dalka Maraykanka, George W. Bush xilka ka degin waxa uu sii daayey ama dalal kale u wareejiyey ku-dhawaad 500 Maxbuus oo ku xirnaa Guwatanamo Bay, halka Madaxweyne Obama sii daayey ama dalal kale u wareejiyey ku-dhawaad 179 ka mid ah Maxaabiista ku xiran Xabsigaasi.
©Radio Dalsan
