Ninkii ka dambeeyey Toogashadii ka dhacday Masjid ku yaalla Kanada oo la soo maxkamadeeyey.

Boliska magaalladda Quebec ee dalkaasi ayaa sheegay in Eedeysanaha keliya ee loo soo xiray Toogashadaasi xalay la soo taagayo Maxkamad.

Eedeysanahaasi oo lagu magacaabo Aleskandar  Bissonnette. waxa uu asalkiisa ka soo jeedaa dalka Faransiiska, waana 27-jir Arday ka ahaa Jamaacad ku taalla magaalladda Quebec.

Boliska waxay tilmaamaeen in Eedeysanaha lagu soo oogay dacwad isugu jirta dil iyo dhaawac, iyadoo uu Toogashada ka dhacday Masjidka ku dilay 6 qof, kuna dhaawacay 8-kale oo 5 ka mid xaalladooda aad u liidato.

Marxuuminta lagu dilay Toogashadaasi ayaa lagu kala magacaabi jirey:

1. Azzeddine Soufiane oo 57-jir ahaa,
2. Professor Khaled Belkacemi, 60-jir ahaa,
3. Abdelkrim Hassen, oo 41-jir ahaa,
4. Aboubaker Thabti, 44-jir ahaa,
5. Mamadou Tanou Barry, 42-jir ahaa
6. Ibrahima Barry, 39-jir ahaa.

Dhinaca kale, Boliska waxay qabteen Nin kale oo asalkiisa ka soo jeedo dalka Moroko oo lagu magacaabo Mohamed Khadir, kaasi oo markhaati ka ahaa markii ay Toogashadaasi  habeen hore ka dhacday Masjidka.

©Radio Dalsan