Mid ka mid ah 2 nin oo ku eedeysnaa inay Basaasiin u ahaayeen dowladda Imaaraadka Carabta ayaa la xaqiijiyey inuu isku daldalay Xabsiga Dhexe ee Silivri oo ku yaalla Galbeedka magaalladda Istanbul.
Wargeyska Daily Sabah ee ka soo baxa dalka Turkiga ayaa qoray in maydka ninkaasi laga helay isagoo ka lalman Suuliga qubeyska ee qeybtii uu kaga xirnaa Xabsiga.
Sirdoonka Turkiga waxay labadaasi nin xireen bishan April 19-dii, iyagoo basaas u ahaa Dowladda Imaaraadka, isla markaana ka shaqeynayey sidii ay u abuuri lahaayeen Kooxo ka soo horjeeda Dowladda Turkiga.
Mid ka mid ah Eedeysanayaasha waxaa la sheegay inuu Turkiga soo galay maalmo kadib xilligii Saxafigii Sacuudiyaanka ee Jamaal Khashoggi lagu dilay Dhismaha Qunsulliyadda Sacuudiga ku leeyihiin magaalladda Istanbuul ee Turkiga.
Warar kala duwan ayaa ka soo baxaya dalalka ay ka soo jeedaan Labadsa Eedeysane, wuxuuna Wargeyska Daily Sabah inay u dhasheen Imaaaraadka, balse Wargeyska Toddobaadlaha ee Arab Weekly waxa uu qoray in Labada Eedeysane u dhasheen Falastiin, laguna kala magacaabo Samiir Samiix Shacbaan iyo Zaki Yuusuf Xasan.
