Cadadkii maanta ee Wargeyska Al-yoom Taali “التالي اليومâ€Â ee ka soo baxa magaalladda Khartuum waxa uu maanta qoray in Cabaas Xasan Al-bashiir oo la dhashay Madaxweynihii hore ee dalkaasi, Cumar Xasan Al-bashiir uu ka baxsaday Xabsigii uu ku xirnaa.
Wargeyska waxa uu qoray inuu Cabaas Xasan Al-bashiir u baxsaday dalka Turkiga.
Wargeyska ma uusan qorin qaabka ay ugu suurto-gashay inuu uga baxsado Xabsiga Dhexe ee uu ku xirnaa iyo qaabka fudud ee uu ugu dhoofay dalka Turkiga.
Golaha Milliteriga ee haya Talada dalkaasi waxay horey u sheegeen bishii April 17-dii inay soo xireen 2 nin oo la dhalatay Al-bashiir, oo lagu kala magacaabo Cabas iyo C/llaahi iyo xubno kale oo lala xiriirinayo inay aad ugu dhawaayeen Dowladii Al-bashiir ee xilka laga tuuray.
