41 rag iyo wiilal ay da’doodu u dhexeyso 14 jir ilaa 30-jir oo ka soo jeeda Qowmiyadda Rohingya ayaa maanta lagu xiray Degmadda Simpang Empatee dalkaasi, kadib, markii ay soo caga-dhigteen Xeebta Sungay Belati ee Gobalka Perlis ee Waqooyiga dalkaasi.
Bishii la soo dhaafay, 35 Muhaajiriin Rohingya ayaa waxay ka soo degeen Xeebtaasi oo xuduud la leh dalka Thailand.
Dhinaca kale, Taliyaha Boliska dalkaasi, Nuur Mushar Mohamed waxa uu sheegay in ay haatan indhaha ku hayaan doonyo la rumeysan yahay inay la socdaan ilaa 200 oo Qaxootigaasi, kuwaasi oo ku soo fool leh Xeebaha Malaysia.
In ka badan 700,000 oo QaxootigaRohingya waxay sannadkii 2017-kii ka soo carareen Gobalka Rakhiine ee dalka Mayanmar, kadib, markii ay Ciiddanka dalkaasi soo barakiciyeen.
