Wakaalladda Wararka Syria ee SANA ayaa sheegtay inuu Hal Askari ku shahiiday, mid kalena ku dhaawacmay Gantaal ku habsaday gaari Milliteri oo marayey Deegaanka Tel Al-shaar ee Gobalka Quweytara ee u dhow Buuraha Golan Haytiska.
Milliteriga Israel waxay ku xaqiiyeen weerarkaasi qoraal ay soo dhigeen Baraha Bulshada, waxayna sheegeen inay duqeyntaasi jawaab-celin u ahayd Ciiddanka Dowladda Syria oo iyagu Gantaalka Lidka Diyaaradaha la gefay Diyaarad Dagaal oo ay Israel lahayd.
Hadalka Israal waxa uu soo baxay, kadib, markii uu Telefishinka Dowladda Syria ee Al-Ekhbaariya sheegay in Hal Askari ku shahiiday, mdi kalena ku dhaawacmay duqeyn ay Israel ku soo qadaeen Gobalka Quneytra ee deriska la ah Buuraha Golan Haytis oo ay Israel xoogga ku haystaan.
Si kastaba ha ahaatee, duqeynta ay Syria iyo Israel isweydaarsadeen ayaa ku soo beegantay iyadoo ay xiisado ka taagan tahay colaadda u dhexeysa Dowladaha Iiraan iyo Maraykanka.
