Hadal-qoraal oo ka soo baxay Waaxda Warfaafinta ugu qaabilsan Milliteriga Pakistan ayaa lagu sheegay inay 7 Askar Hindi ah ku dileen iska horimaad ka dhacay xuduudka lagu murunsan yahay ee Gobalka Kashmiir.
Qoraalka waxaa kaloo lagu sheegay in iska horimaadkaasi ku dhaawaceen 19 kale.
Mar sii horreysay, Milliteriga Pakistan waxay shalay sheegeen in 3 Askari looga dilay iska horimaad ka dhacay Kashmiir.
Dhinaca kale, Afhayeenka Wasaaradda Difaaca ee dalka Hindiya, Kolonel Devender Anand waxa uu tilmaamay in hal Sarkaal iyo 2 qof o orayid ah lagu dilay iska horimaad ay Isniintii la galeen Askarta Pakistan ee ku sugan Xuduudka Kashmiir.
Labadaasi dal oo haysta Hubka Nukliyeerka waxaa horey u dhex maray 3 dagaal sannadihii 1948-kii, 1965-tii iyo 1971
