Taliska Ciiddanka Maraykanka ka jooga Qaaradda Afrika ee AFRICOM waxay sheegeen inay 2 Duqeyn dhanka cirka ku qaadeen Al-Shabaab 48-kii saacadood ee la soo dhaafay.
Hadal-qoraal oo uu AFRICOM soo saaray  ayuu ku sheegay iyagoo taageero siinaya Ciiddanka DFS inay bishan 3-dii qaadeen Duqeyn ay la beegsadeen fariisin ay Al-Shabaab ku leeyihiin Degaanka Gendershe ee Gobalka Sh/hoose, waa sida ay hadalka u dhigeen.
AFRICOM waxay kaloo sheegeen inay bishan Feberaayo 5-dii ay duqeyn kale ka geysteen meel ku dhow Deegaanka Leego ee Gobalka Sh/hoose.
Hadalka qoraalka ee AFRICOM waxay ku sheegeen inaysan dad rayid ah khasaaro ka soo gaarin Duqeymahaasi waa sida ay hadalka u dhigeen.
