Wararka Idaacada Dalsan ee Magaalada Muqdisho ay ka heleyso Gobolka Galgaduud ayaa waxa ay sheegayaan in dagaal u dhexeeyay laba maleeshiyo beeleed uu ka dhacay deegaan ka tirsan Gobolkaas.
Dagaalka ayaa waxaa la sheegay in xalay saqdii dhexe uu ka dhacay deegaanka Xeeraale ee Gobolka Galgaduud,waxaana uu u dhexeeyay laba Maleeshiyo beeleed oo halkaasi wadadaga ,iyagoona isku adeegsaday hubka noocyadiisa kala duwan.
Dadka ku dhintay dagaalkaasi ayaa gaaraya ilaa iyo 2 ruux ,halka tirro intaas ka badan ku dhaawacmeen sida dadka deegaanka ay sheegeen.
Deegaanka Xeeraale ee Gobolka Galgaduud ayaa waxaa dhowr jeer horey ka dhacay dagaal beeleedyo geystay Khasaarooyin kala duwan.
