Kenneth Kaunda, madaxweynihii koobaad ee Zambia ahaana ninka ka nool jiilkiisii hogaamiyeyaasha Afrikaanka ah ee gumaysiga la dagaalamay, ayaa geeriyooday isaga oo 97 jir ah.
Kaunda waxa Isniintii la dhigay isbitaal milatari oo ku yaal magaalo madaxda Lusaka, mar oof wareen ku soo booday. Kaaliyayaashiisa ayaa sheegay in aanu qabin Covid-19.
Sannadihii 1950-meeyadii, Kaunda wuxu ahaa shakhsiyad misaan ku leh ururkii waagaa la odhan jiray dhaqdhaqaaqa xorriyad doonka Woqooyiga Rhodesia ee lagu doonayey in Ingiriiska lagaga xoroobo.
Wuxuu madaxweyne noqoday markii dalku gobanimada qaatay 1964.
