Madaxweynihii hore ee Koofur galbeed Soomaaliya Shariif Xasan Shiikh Aadan ayaa la sheegay in saaka laga hor istaagay, in uu u bixitimo Magaalada Baydhabo ee xarunta ku meel gaarka u ah Dowlaad GoboleedKa Koofur Galbeed.
Wararka aynu helnay ayaa sheegay in  garoonka diyaaradaha ee Muqdisho, xili uu doonayay  inuu u safro Baydhabo oo uu yaallo Kursigiisa Xildhibaannimo, ee uu doonayo in uu u tartamo.
Shariif Xasan ayaa horay waxaa loo siiyay sida xog aynu ku helnay kursigaasi yaalla baydhaba, waxaana hadda soo baxaya warar sheegaya in shaqsi kale lala doonayo kursigaasi.
Madaxweynaha Dowalad Gobaleedka Koofur galbeed Soomaaliya  Cabdi Casiis xasan Maxamed Lafta-gareen ayaa horay musharixiin dhowr ah waxaa uu uga joojiyay in ay ka dhoofaan muqdisho si ay ugu tartamaan kuraasta Golaha shacabka ah, oo taalla baydhaba.
Xubnaha horay loogu diiday in ay muqdisho ka baxaan waxaa ka mid ahaa, Guddooomiye ku xigeenkii 1aad ee Baarlamaankii hore Soomaaliya, Cabdi Wali Muudeey, kaasi oo loo diiday in uu Muqdisho ka baxo si uu ugu tartamo kursiga beeshiisa.
Sidoo kale Koofur galbeed ayaa horay u soo saartay amaro culus oo ku aaddan Musharixiinta tagaya Baydhabo, kuwaasi oo lagu amray in aysan degaanada Koofur Galbeed Ciidan iyo hub.
