Madaxweynaha Jamhuuriyadda Federaalka Soomaaliya Xasan Sheekh Maxamuud oo ka duulaya dardar galinta howgalada Al-Shabaab ayaa gaaray degmada Maxaas ee gobolka Hiiraan ee dowlad Goboleedka Hirshabeelle.
Madaxweyne Xasan Sheekh ayaa muddada uu joogo Maxaas kala hadlaya saraakiisha ciidamada qaranka, kuwa difaaca shacabka, mas’uuliyiinta iyo bulshada deegaanka, sidii ay u laban-laabi lahaayeen doorkooda dagaalka ka dhanka Shahaabka.
Madaxweynaha Jamhuuriyadda Federaalka Soomaaliya Xasan Sheekh Maxamuud oo muddo bil ah u jooga gobolada dhexe ee dalka hawlgallada dalka looga saarayo Shabaab.
Xasan Sheekh  ayaa hoosta ka xariiqay in dagaalka ka dhan ka ah Al-Shabaab uu socon doono inta laga ciribtirayo, waa sida lagu sheegay War Qoraal ah oo lagu baahiyay Bogga Madaxtooyada Soomaaliya.
Madaxweynaha ayaa waxaa markii uu gaaray Maxaas kusoo dhaweeyay qeybaha kala duwan ee Bulshada, saraakiisha ciidamada xoogga iyo Xildhibaano ka tirsan ka tirsan labada Golle ee dowladda Federaalka iyo mas’uuliyiin kamid ah Hirshabeelle
