Madaxweynaha dowlad Goboleedka Koonfur Galbeed Soomaaliya Cabdicasiis Xasan Maxamed Laftagareen ayaa Maanta kulan la qaatay Gudiga Hirgelinta Doorashooyinka Dowlad Goboleedka Koonfur Galbeed (SEIT).
Madaxweynaha ayaa gudiga uga mahadceliyey dadaalka ay ku bixiyeen qabashada doorashada Xildhibaanada Labada Aqal ee Barlamaanka Jamhuuriyada Federaalka Soomaaliya ee deegaan Doorashadooda ay tahay Koonfur Galbeed.
15-kii bishan Maarso, sanadka 2022, ayaa magaalada Baydhabo lagu soo gabagabeeyay doorashada Xildhibaanada Golaha Shacabka ee Koonfur Galbeed ku matayalaya Baarlamaanka Jamhuuriyadda Federaalka Soomaaliya.
Xildhibaanada labada Aqal ee laga soo doortay Koonfur Galbeed ayaa la filayaa in dhawaan isugu tegaan, kadib markii uu Shil Wadatashi ah isugu yeeray Madaxweyne Lafta-gareen, waxaana Shirka looga hadli doonaa doorashada Guddoonka Golaha Shacabka.
