Magaalada Cadaado ee Gobolka Galgaduud waxaa Goordhow gaaray Madaxweynaha Soomaaliya Maxamed Cabdullahi Farmaajo,iyada oo siweyn halkaasi loogu soo dhaweeyay.
Madaxweyne Farmaajo oo maanta qorshihiisu ahaa in uu tago Magaalo Xeebeedka hobyo ee Gobolka Mudug ayaa haatan ku sugan Cadaado waxaana uu la kulmi doonaa Odayaasha iyo Waxgaradka Cadaado kuwaasi oo tabasho ka qaba heshiiskii Jabuuti ay ku gaareen Galmudug iyo Ahlusunna.
Madaxweynaha wefdigiisa ayaa waxaa qeyb ka ah madaxweynaha Maamulka Galmudug Axmed Ducaale Geelle Xaaf,Madaxa xukuumada Maamulka Galmudug Maxamed Shaakir Cali Xasan, Wasiiro iyo xildhibaano,waxaana la filayaa in isla Maanta uu Madaxweynaha  uu gaaro Magaala Xeebeedka Hobyo oo xilligaani ay ka socota qaban qaabo oo lagu soo dhaweynayo.
