Madaxweyne C/casiis Butafaliiqa waxa uu si rasmi ahaan ugu dhawaaqay inuu iska casilay xilkaasi oo uu hayey muddo 20-sanno ah.
Qoraal uu u diray Golaha Dastuurka ee dalkaasi waxa uu ku sheegay inuu go’aankaasi u qaaday isagoo tixgelinayo Rabitaanka Muwaadiniinta, wuxuuna ku baaqay in xil la iska saaro badbaadinta dadka iyo hantidooda.
Madaxweynaha oo 82-jir ah waxa uu ku dhawaaqay Go’aankaasi, saacado kadib, markii uu Taluiyaha Guud ee Ciiddanka dalkaasi ku baaqqay in la qaado tallaabo degdeg ah oo xilka looga qaadayo Madaxweynahaa.
Guddoomiyaha Barlamaanka dalkaasi ayaa waxa si ku-meel-gaar ah loogu wareejiyey Xilka Madaxweynaha muddo 90 maalmood inta laga qabanayo Doorashadda Madaxtinimadda dalkaasi.
