Madasha Xisbiyada Qaran ee uu hogaamiyo Madaxweynihii hore ee Soomaaliya Sheekh Shariif Sh Axmed ayaa baaq u dirtay Ra’iisul Wasaaraha dalka Itoobiya Dr Abiy Ahmed.
War-saxaafadeed kasoo baxay Madasha Xisbiyada oo ku qornaa Luuqa Ingariiska ayaa Ra’iisul Wasaare Abiy Ahmed looga dalbaday inuu joojiyo faragelinta Ciidanka Itoobiya ay ku hayaan siyaasadda dalka Somalia.
Sidoo kale Madasha ayaa sheegay in aan loo dulqaadan karin faragelinta Ciidanka Itoobiya ay ku heyso siyaasadda Somalia, si looga fogaado inay ka dhacdo dhibaatadii ka dhacday Baydhabo xiligii ay socdeen Arrimaha Doorashada Koonfur Galbeed.
Madasha ayaa walaac ka muujisay doorashada lagu waddo in ay ka dhacdo degaanada maamulka Galmudug, waxaana ay sheegeen in dowladda Soomaaliya ay faragalin ay ku heyso.
