Wakiilka Abaaraha ee Gobolka Banaadir Yasmiin Jamac Hassan ayaa kormeer ku tagtay deeq raashin qeybin ah oo ka bilaabatay degaanka Garasbaaley, gaar ahaan waaxda Tabeellaha Sheekh Ibraahin iyo waaxda Geeddi Firdhiye.
Deeqdan oo ka timid maamulka Gobolka Banaadir ayaa ahayd mid lagu garab istaagayay dadka barakacayaasha ah ee ay abaaraha iyo dagaallada argaggaxisada lagu la jiro degaannadoodii ka soo barakiciyeen.
Ergayga oo u kuurgalay xaaladda hoose ee ay ku sugan yihiin dadka barakacayaasha ah ayaa u sheegay sida ay Guddoomiyaha Gobolka Banaadir ahna Duqa magaalada mogadisho mudane Yuusuf Hussein Jim’aale ay uga go’an tahay garab istaagidda dadka ay abaartu saamaysay.
Ugu danbayntii waliilka oo gudanaya waajibaadkiisa shaqo ayaa barakacayaasha u ballanqaaday in ay si dhow uga warqabi doonaan xaaladdooda dhaqaale, iyado oo intaas ku dartay in maamulka Gobolka Banaadir ay u heellan yihiin u adeegidda bulshada ku tabaalaysan ee ku sugan Xeryaha Gobalka Banaadir
