Wararka aan ka heleyno deegaano ka tirsan Koonfurta Gobolka Mudug ayaa waxaa ay sheegayaan in halkaas Maamulka Galmudug uu saakay geeyay Ciidamo ka tirsan kuwa Daraawiishta Maamulkaas.
Ciidamadan oo wata gaadiidka nooca dagaalka ayaa la geeyay deegaanka Wisil oo hoostega Magaalada Hobyo ee Mudug, waxaana Ciidanka halkaas gaaray hoggaaminaya Saraakiil ka tirsan qeybta 21-aad ee Ciidanka Xoogga.
Saraakiisha Ciidamada ayaa waxaa ay sheegeen in dhawaan ay howlgal ka dhan ah dagaalamayaasha Al-shabaab ka bilaabi doonaan deegaano ka tirsan Mudug oo ay ku sugan yihiin Shabaabka.
Sidoo kale, deegaanka Wasil ayaa waxaa lagu wadaa in saacadaha soo socda ay gaaraan wafdi ka soca Maamulka Galmudug oo isugu jira Wasiiro, Xildhibaano iyo Saraakiil ka tirsan Ciidanka Galmudug.
Si kastaba Maamulka Galmudug ayaa horey u sheegay inay bilaabi doonaan howlgalo ay ku doonayaan inay kula wareegaan deegaano ay Al-shabaab kaga sugan yihiin Gobolada Mudug iyo Galgaduud, iyagoona wada abaabul Ciidan
