Madaxweynaha dowlad Goboleedka Galmudug Axmed Cabdi Kaariye Qoorqoor ayaa Maamul Cusub u Magacaabay Degmada Guriceel ee Gobolka Galgaduud.
Wareegto kasoo baxday Xafiiska Madaxweyne Qoorqoor ayaa waxaa Guddoomiyaha Cusub ee Guriceel loogu magacaabay Faarax Cabdi Macalin, halka C/Shakuur Axmed Faarax laga dhigay Guddoomiye ku-xigeenka Arrimaha siyaasadda iyo amniga.
Sidoo kale Madaxweynaha Galmudug ayaa Cabdirisaaq C/llaahi Faarax u magacaabay inuu nqodo Guddoomiye ku-xigeenka Maamulka iyo Arrimaha Bulshada degmadaas.
Ugu danbeyntii Qoorqoor ayaa faray dhammaan hay’adaha kala duwan ee amniga Galmudug inay la shaqeeyaan Guddoonka Cusub ee Guriceel si ay u gutaan waajibaadkooda shaqo.
Hoos ka Akhriso Wareegtada Magacaabista.
