Nin u dhashay dalka Hindiya oo aaan ciddiyaha iska jarin muddo 66 sanno ayaa waxa ugu dambeyntii lagu guuleystay in laga jaro ciddiyaha Gacmahiisa oo dhererkooda gaaray 77 Hiish (inches).
Ninkaasi oo lagu magacaabo Shridhar Chillal oo 82-jir ah waxa uu qaaday Horyaalka Diiwaan-gelinta La-yaabka Addiinka ee loo yaqaano (The Guinness World Record), iyadoo ciddiyihiisa ugu dheer ay ku yaallaan gacantiisa midig.
Marka ciddiyahiisa oo djam la isku daro waxay dherer ahaan gaareen 29ft 10.1in , waana cabir aad  ugu dhow dhererka Basaska ka shaqeeya magaalladda London.
Shridhar Chillal oo ka soo jeeda magaalladda Pune ee dalka Hindiya waxay dhererka ciddiyahiisu bilaabeen inay koraan, markii uu 16-jirka ahaa.
Waxaa la sheegay inay ciddiyihiisu bilaabeen inay koraan sannadkii 1952-kii, kadib, markii Macallin dhangad ku garaacayey uu si kedis ah uga jebiyey ciddidii ugu dheereyd ciddiyihiisa.
Laga soo bilaabo maalintaas, waxa uu go’aansaday inuusan haba yaraatee iska jarin ciddiyahiisa.
DAAWO MUUQAALKA,  Â
Waxa uu dhibaato ku qabay ciddiyaha marka uu seexanayo, iyadoo ciddiyihiisu sidii ilmo yar ay dhinac jiifaan, sida ku cad sawirkan sare.
Balse, ugu dambeyntii waxaa ciddiyaha looga jaray Munaasabad ka dhacday magaalladda New York ee dalka Maraykanka.
Waxa uu go’aansaday in ciddiyihiisa la dhigo Madxafka *Museum( ku yaalla magaalladda New York, si ay dadweynaha ugu soo daawasho tagaan.
Si kastaba ha ahaatee, qof kasta oo arka Sawiradda iyo Muuqaalka laga duubay Ninkaasi ka hor inta aan laga jarin ciddiyaha waa hubaal in dhabano-hays laga qaadayo ciddiyaha dhaadheer ee Ninkaasi laga jaray.
WQ: Ustaad Nuradin
