Wasiirka Arrimaha gudaha dowlad Goboleedka Koonfur Galbeed Soomaaliya Cabdullaahi Xaaji Xasan ayaa xilka qaadis ku sameeyay Guddoomiyihii degmada Afgooye ee Gobolka Shabeellaha Hoose, isagoona Guddoomiye cusub u magacaabay degmadaas.
Wareegto kasoo baxday Xafiiska Wasiir Cabdullaahi Xaaji ayaa waxaa Guddoomiyaha cusub ee degmada Afooge loogu magacaabay Cabdullaahi Maxamed Cismaan Hiraabe, kaasi oo bedelaya Guddoomiyihii hore ee Afgooye Abuukar Maxamed Cumar Muudeey.
Magacaabista Guddoomiye Cabdullaahi Hiraabe ayaa ku timid, kadib markii la arkay baahi loo qabo in la helo Guddoomiye cusub oo dardar-gelin kara howlaha ballaaran ee degmada horyaalla, sida lagu caddeeyay wareegtada lasoo saaray.
Wasiir-dowlaha Wasaaradda Arrimaha gudaha dowlad Goboleedka Koonfur Galbeed Soomaaliya ayaa maalmo kahor shaqo joojin ku sameeyay Guddoomiyaha xilka qaadista lagu sameeyay ee Abuukar Muudeey, kaasi oo lagu eedeeyay inuu amar diido sameeyay.
Hoos ka Akhriso Wareegtada magacaabista.
