Dab ka kacay Kaymo ku gubanaya dalkaasi ayaa la sheegay inay cagta mariyeen 4 tuullo oo ku taalla Gobalka Baxar Al-qasaal ee Galbeedka dalkaasi, sida uu sheegay Afhayeenka Madaxweynaha dalkaasi.
Afhayeenka oo lagu magacaabo Ateny Wek Ateny waxa uu sheegay in laga yaabo inay tirada dadka ku geeriyooday dabkaas sare u kacdo, wuxuuna dhanka kale sheegay inay 60-qof ku dhaawacmeen dabkaasi.
Dhinaca kale, Wasiirka Warfaafinta Gobalka Lool ee dalkaasi Mathok Wal waxa uu tilmaamay inuu dabku baab’iyey 138 guri oo ku yaalla Tuullooyinka Gobalka bariga Korok, isla markaana ay 10,000 oo neef oo lo’ ah ku geeriyootay dabkaasi.
