Madaxweyne ku-xigeenka ahna ku simaha Madaxweynaha Dowlad Goboleedka Jubbaland Maxamuud Sayid Aadan, ayaa maanta xariga ka jaray Xarunta Maxkamadda darajada 1-aad ee Jubbaland gaar ahaan qaybta arrimaha dhulka.
Madaxweyne ku xigeenka oo ay weheliyaan xubno ka tirsan Golaha Wasiirada Jubbaland ayaa kormeer kusoo sameeyey qaybaha ay ka koobantahay Maxkamadda.
Intaasi kadib Madaxweyne kuxigeenka ayaa kulan la qaatay Guddoonka Maxkamada sare ee Jubbaland, iyo garsoorayaasha cusub ee Maxkamadda gaar ahaana qaybta arrimaha dhulka, iyadoo kulanka ay ka qaybgaleen Xubno ka tirsan golaha wasiirada Jubbaland iyo maamulka hay’adda dhulka Jubbaland, waxaana halkaasi lagu dhaariyey Garsoorayaasha cusub ee Maxkamada.
Madaxweyne ku xigeenka Dowlad Goboleedka Jubbaland Maxamuud Sayid Aaden ayaa adkeeyey muhiimadda ay leedahay in la helo maxkamad u gaar ah arrimaha dhulka.
