Isbahaysiga waxay markii ugu horreeyey siiyeen Kooxdaas Gawaarida Gaashaan iyo hub kale oo loogu taala-galay Wejiga Koowaad ee Dagaalka lagu qaadayo magaalladda Raqa ee Xarunta u ah Kooxda Daacish-ta joogta Syria.
Kooxda hubka la siiyey oo lagu magacaabo Ciiddanka Xorreynta Syria ee SDF ayaa qorsheynaysa inay xiraan jidadka gala magaalladda Raqa oo ay ku jiraan kuwa ka yimaada Gobalka Seyr Al-zuur oo ay Kooxda Daacish ku xooggan tahay.
Afhayeenka Maleeshiyadda SDF, Dalaal ilo ayaa sheegay inay Taageeradaasi calaamad u tahay sida ay Maraykanka uga go’an tahay La-dagaalanka Kooxda Daacish.
Dhinaca kale, Afhayeenka Waaxda Difaaca Maraykanka ayaa sheegay in Gaadiidkaasi loo gudbiyey Isbahaysiga Carabta Syria oo qeyb ka ah Kooxda SDF
©Radio Dalsan
