|

Soomaaliya iyo Marooko oo Saxiixday Heshiisyo Cusub

Warar · Ilhaan · November 29, 2025
Soomaaliya iyo Marooko oo Saxiixday Heshiisyo Cusub
Soomaaliya iyo Marooko oo Saxiixday Heshiisyo Cusub
In Summary

Wasiirka Arrimaha Dibadda iyo Iskaashiga Caalamiga ah

Wasiirka Arrimaha Dibadda iyo Iskaashiga Caalamiga ah, Cabdisalaan Cabdi Cali, ayaa magaalada Rabat kula kulmay Wasiirka Arrimaha Dibadda, Iskaashiga Afrika iyo Qurbajoogta Marooko, Nasser Bourita, iyaga oo ka hadlay xoojinta xiriirka labada dal.

Kulanka dhex maray labada wasiir ayaa lagu saxiixay tubta iskaashiga sanadaha 2026–2028, taas oo diiradda saaraysa kobcinta wadashaqeynta dhinacyada beeraha, biyaha, waraabka, kalluumeysiga, dalxiiska, tamarta la cusboonaysiiyo, waxbarashada, tababarka xirfadaha, tacliinta sare, caafimaadka, ammaanka, maalgashiga, isbeddelka cimilada, ciyaaraha iyo dhaqanka.

Heshiiska ayaa sidoo kale kordhiyay tirada deeqaha waxbarasho ee sanadlaha ah ee ardayda Soomaaliyeed loo qoondeeyo, oo hadda gaaraya 120, kuwaas oo dabooli doona heerarka kala duwan ee jaamacadaha.

Soomaaliya iyo Marooko waxa ay sidoo kale saxiixeen heshiis ka dhaafaya baasaboorka diblomaasiga shuruudaha dal-ku-galka, si loo fududeeyo socdaalka diblomaasiyiinta iyo booqashooyinka rasmiga ah.

Labada dhinac ayaa adkeeyay muhiimadda ay leedahay isku-duwidda iyo latashiyada siyaasadeed ee arrimaha heer gobol iyo caalami, iyaga oo ku heshiiyay in wadashaqayntu ay mideyn doonto aragtiyada labada dal, iyadoo la dhowrayo mabda’a nabadda, madax-bannaanida iyo midnimada dhuleed.

Sidoo kale, wasiirradu waxa ay carrabaabeen taageeradooda madax-bannaanida iyo qarannimada labada dal, isla markaana ay bogaadiyeen go’aanka Golaha Ammaanka ee Qaramada Midoobay ee lambarkiisu yahay 2797.

Join the Conversation

Enjoyed this story? Share it with a friend:

Stay Bold. Stay Informed.
Get breaking news alerts and exclusive updates from Radio Delsan — delivered instantly.