Hoobiyayaashaan ayaa waxa ay ku dhaceyn qeybo ka mid ah degmada Wartanabada e Gobolka Banaadir kuwaas oo la sheegayo in ay geysteen khasaaro dad Shacab ah u badan.
Dad goobjoogayaal ah ayaa waxa ay Dalsan u sheegeen in ilaa Saddex hoobiye ay soo dhaceyn oo mid ka mid ah la sheegayo in uu ku dhex dhacay Xarunta Xisbiga oo ay degan yihiin Ciidamada xasilinta ee loo diyaariyey in ay amniga Muqdisho xaqiijiyan inta lagu guda jiro Bisha Ramadaan.
Sidoo kale Wariyayaal goobta ay hoobiyasha ku soo dhaceyn gaaray ayaa waxa ay sheegeen in mid ka mid ah hoobiyaasha uu ku dhacay Guri ay dad Shacab ah ay degan yihiin,isla markaana ay ku dhaawacmeen ilaa 5 ruux oo guriga ku sugnaa kuwaas oo loola cararay Xarumaha Caafimaad ee ku yaalla Muqdisho.
Weli macada cidda hoobiyayaashaas oo tuurtay iyo halka lagu waday,balse Xarunta Xisbiga oo wararku ay sheegayaan in mid ka mid ah hoobiyaasha uu ku dhacay in shalay xukuumadda Soomaaliya ay ku soo bandhigtay Ciidamo isku-dhaf ah oo loo diyaariyey amniga Caasimadda Soomaaliya ee Muqdisho.
