Saraakiil Maraykan ayaa sheegay in Abu Cumar Alshishaani lagu dilay duqeyn bishan Maarso 4-dii ka dhacday Degmadda Alshadaadi ee dalka Syria.
Hoggaamiyahaasi oo ka soo jeeda dalka Joorjiya ayaa waxay Maraykanka horey madaxiisa u dul dhigeen Abaalmarin Lacageed oo dhan 5 million oo Dollar.
Abu Cumar Shishaani oo magaciisa rasmiga yahay Tarkhaan Tayumurasovij Batirashvili waxa uu sannadkii 1986-dii ku dhashay dalka Joorjiya wuxuuna La-taliyaha dhinaca Milliteriga u ahaa Hoggaamiyaha Daacish, Abu Bakar Albaqdaadi, wuxuuna ka tirsanaa Golaha Shuuradda ee Daacish.
