Taliyaha Milliteriga ee dalkaasi, Jeneral Edwardo Ano ayaa sheegay inay Ciiddankiisa dileen Taliye muhiim u ahaa Kooxdaasi, oo lagu magacaabi jirey Mucamar Askali, laguna naanaysi jirey Abu Raami, kaasi  lagu dilay dagaal shalay ka dhacay Jesiiradda Bohol oo qiyaastii 640-KM dhanka K/bari kaga toosan caasimadda dalkaasi ee Manila.
Abu Raami waxaa lagu eedeynayaa inuu surka ka jaray La-haystayaal u kala dhashay dalalka Kanada iyo Jarmalka, waxayna haatan gacanta ku hayaan ugu yaraan 29 La-haystayaal shisheeye ah.
Iska horimaadkii shalay ka dhacay Bartamaha Filibiin waxaa kaloo lagu dilay 5 ka tirsan Kooxda Abu Sayaaf iyo 5 ka tirsan Ciiddanka dalkaasi.
©Radio Dalsan
