Hoggaamiyayaasha Ethiopia iyo Kenya oo ka walaacsan faragelinta dowladaha Shisheeye ku haayaan Soomaaliya

Madaxweynaha Kenya, Uhuru Kenyatta iyo Ra’isul-wasaaraha Ethiopia, Abi Axmed Cali waxay shalay Kulan ku yeesheen Aqalka Dowladda ee magaalladda Nairobi, oo ay kaga wada hadleen Xiriirka labada dal, Ammaanka Mandiqadda, Hawlgalka AMISOM ee La-dagaalanka Alshabaab  iyo Khatarta ay dalalka shisheeyaha ku hayaan Nabadda iyo Deganaanshaha Somalia

Labada Hoggaamiye waxay walaac xooggan ka muujiyeen in Danaha Shisheeyaha looga dan leeyahay in Deganaansho La’aan dheeraad ah looga abuuro dalka  Somalia, waxayna ka gaabsadeen inay farta ku fiiqaan Dowladaha faraha kula jirta Deganaansho la’aanta Somalia.

Madaxweynaha Kenya iyo Ra’isul-wasaaraha Ethiopia waxay si kulul u naqdiyeen Taageero La’aanta Beesha Caalamka ee La-dagaalanka Alshabaab, waxayna Beesha Caalamka ku eedeeyeen inay maalgelin kooban siiyaan Hawlgalka AMISOM.

Uhuru Kenyatta iyo Abi Axmed Cali waxay ka digeen inay taasi cabsi gelin karto guulihii laga gaaray La-dagaalanka Alshabaab ee Gobalka.