Hoggaamiyayaasha, Madaxweynayaasha, Boqorada iyo Amiirada dalalaka Carabta ee shalay Kulan-sannadeedkooda ku yeeshay dalka Sacuudiga waxay soo dhaweeyeen guusha laga gaaray dadaalka Dib-u-heshiisiinta Somalia, Xoojinta Hay’addaha Dowladda iyo Taageerida Qorshaha Horumarinta ee Qaranka Somalia.
Hoggaamiyayaasha oo soo saaray War-murtiyeed ka koobnaa 29 qoddob, waxay qoddobka 25-aad si gaar ah uga hadlay Arrimaha Somalia.
Bayaanka waxaa lagu soo dhaweeyey Xaalladda Siyaasadeed iyo Ammaanka Somalia iyo Kaalinta muhiimka ee ay Ciiddanka AMISOM, gaar ahaan Ciiddanka Jabuuti ugu jiraan soo-celinta Ammaanka Somalia.
Hoggaamiyayaasha dalalka Carabta waxay kaloo ugu baaqeen dowladaha xubnaha ka ah Ururka Jamaacadda Carabta inay taageero degdeg ah u siiyaan DFS, si dib loogu dhiso Ciiddamadda iyo Dib-u-dhiska Hay’addaha Ammaanka Somalia.
Bayaanka waxaa kaloo lagu sheegay inay taageerayaan Midnimaadda iyo Xuduudka dhuleed ee Somalia, waxayna ka digeen Faragelin lagu sameeyo Arrimaha Gudaha ee Somalia.
Dhinaca kale, Hoggaamiyayaasha Carabta waxay mar kale xaqiijiyeen in Taageero dhaqale la siiyo DFS, iyo taaba-gelinta Qaraarkii ay Hoggaamiyayaasha Carabta ku gaareen Shirkoodii ka dhacay magaalladda Sharma Sheekh ee dalka Masar bishi iMaarso 29-dii ee sannadkii 2015-kii.
Hoggaamiyayaasha waxay mar kale ku celiyeen in DFS bil kasta lagu taageero 10-million oo Dollar muddo hal sanno ah, iyadoo Taageeadaasi lagubiirinayo Miisaaniyadda DFS
Dhinaca kale, Hoggaamiyayaasha Carabta waxay ugu baaqeen Dowladaha Carabta inay DFS ka taageeraan dacan-ku-haynta Hawada Somalia, waxayna ka soo horjeesteen in Maamulka Hawada Somalia la kala qeybiyo.
