Golaha Ammaanka ee QM wxaay xalay si wadajir ah ugu codeeyeen in muddo hal sanno lagu kordhiyo Hawlgalka ay QM ka wadaan Somalia ee UNSOM, waxayna muddo-kordhintaasi ku ekaan doontaa bisha March 31-da ee sannadka soo socda ee 2020-ka.
Qaraarka tirsigiisu yahay 2461 ee Golaha Ammaanka ee QM ayaa waxa uu dhigayaa in Hawlgalka UNSOM sii wadi doonaan  Taageeradda Istaraatijiyadda  iyo La-talinta ee ay siiyaan DFS iyo AMISOM ee ku aadan Dhismaha Nabadda iyo Dowladnimadda.
Qaraarka Golaha Ammaanka waxa uu ka codsaday Hawlgalka UNSOM inay sii wadaan xoojinta Joogitaankooda ee dhamaan Dowlad-gobaleedyadad xubnaha ka ah Federalka Somalia.
Qaraarka waxa kale oo uu hoosta ka xariiqay muhiimadda Taageeradda UNSOM ee dhinacyadda xiriirka Siyaasadda, Farsamadda iyo Loojistikadda ee Xafiiska QM ee Taageeradda Somalia la leeyihiin DFS, sidii ay Doorasho Hufnaan iyo nabad ah oo qof iyo codkiisa uga dhici lahayd Somalia sannadka 2020-ka
Si kastaba ha ahaatee, Golaha Ammaanka ee QM wxaay Hawlgalka QM ee Somalia (UNSOM) asaaseen bishii June 3-dii ee sannadkii 2013-kii, iyadoo QM taageero ka geysatay dhismaha Asaaska ee  DFS.
