Dowladda Federaalka Soomaaliya ayaa Maanta Guddiyadii doorashada heer dowlad Goboleed ee kala dhimanaa xareeysay, iyagoo la dejiyay Hotelka Peace ee Magaalada Muqdisho.
Warar aan helnay ayaa sheegaya in Guddiyada la xareeyay ay kala yihiin Guddigii doorashada dowlad Goboleedka Koofur Galbeed, Hirshabeelle iyo min saddex xubnood oo Xukuumadda ku kordhisay Guddiyada doorashada heer dowlad Goboleed.
Guddigii doorashada Galmudug ayaa ka mid noqon kuwa maanta la xareeyay, isla markaana waxaa la sheegay in Madaxweynaha Galmudug Axmed Cabdi Kaariye Qoorqoor uu dalbaday in dib loogu dhigo, iyadoo maalinta berri uu imaan doono Magaalada Muqdisho.
Dowlad Goboleedka Puntland iyo Jubbaland ayaa weli soo gudbin Liiska xubnaha ku metelaya Guddiyada doorashada ee la magacaabay, waxaana Jubbaland soo magacaabida Guddiyada ku xirtay shuruud adeg.
Maalinta berri ayaa la filayaa in Guddiyadan Maanta ay xareysay dowladda Federaalka Soomaaliya tababar ku saabsan howlaha doorashada loo furo, xili aan Guddiyada doorashada ee dowlad Goboleedyada lasoo dhameystirin.
Muran xoogan ayaa xiligaan ka taagan Guddiyada doorashada ee heer Federaal iyo heer dowlad Goboleed ee la magacaabay, waxaana siweyn uga soo horjeeda Musharaxiinta Madaxweynaha oo sheegay in Guddiyadaas aan lagu haleyn karin Doorashada Qaranka.
