Guddiga farsamada maamul u samaynta Galmudug ayaa qoraal ka soo baxay waxaa looga hadlay xaaladda Siyaasadeed ee Galmudug iyo halka uu marayo hanaanka dhismaha Galmudug.
War qoraalka ka soo baxay guddiga farsamada ayaa lagu yiri guddigu waxa uu soo dhawaynayaa dadaalada Siyaasadeed ee in mudda ah barbar socda dhismaga Galmudug ee u dhaxeeya dowladda Soomaaliya iyo maamulka Ahlu-suunna Waljamaaca isla markaana ay bogaadinayaan heshiiskii laga gaaeay 20-kii Xildhibaan ee Ahlu-suuna ee dhinacyadu gaareen.
Ugu dambayn guddiga ayaa sheegay in uu aqbalay liiska xildhibaanada maadaama xal laga gaaray tabashadii ka taagneed si deg deg ahna loo guda gelayo soo dhamaystiridda 69-xildhibaan ee harsan kana kala imaanaya dhammaan beelaha dega Galmudug.
