Faah faahino dheeraad ah ayaa ka soo baxaya qarax gaari oo daqiiqado kahor ka dhacay Degmada Xamar Jajab ee Gobolka Banaadir,kaasi jugtiisa laga maqlay Xaafado ka tirsan Muqdisho.
Gaari nooca Soomaalida u taqaano SRUF ayaa lagu soo xiray qaraxaas,isla markaana uu lahaa Jenaraal ka tirsan Ciidanka Booliska Soomaaliya sida Dalsan ay u xaqiijiyeen Saraakiil ka tirsan Ciidanka Booliska dowladda.
Sidoo kale gaariga ayaa qarxay xili uu marayay afafka hore ee Dekadda weyn ee Muqdisho,waxaana la socday Jenaraalka ka tirsanaa Ciidanka,iyadoo uu soo gaaray dhaawac Culus.
Ciidamo ka tirsan kuwa Booliska Soomaaliya ayaa tegay halka uu qaraxa ka dhacay,waxaana Saraalka dhaawiciisa loo qaaday mid kamid ah Xarumaha Caafimaad ee leedahay dowladda.
Ma jiro wax war ah oo ka soo baxay laamaha amniga dowladda oo ay uga hadlaan qaraxii uu ku dhaawacmay Jenaraalka ka tirsanaa Ciidanka dowladda Soomaaliya ee ka dhacay egmada Xamar Jajab ee Gobolka Banaadir,
