Fatahaada uu sameeyay Webiga Shabeelle ayaa saameeysay tuulooyin ka tirsan Gobolka Shabeellaha Hoose, isla markaana waxaa Fatahaada Webiga ku Go’ay wadada dheer ee xiriirisa Magaalooyinka Muqdisho iyo Baydhabo.
Dadka deegaanka ayaa soo weriyay in Biyaha ka dhashay Fatahaada Webiga ay ku Go’day buundada ku taalla deegaanka Warmaxan, waxaana hakad galay isku socodka gaadiidka iyo dadka.
Sidoo kale Fatahaada ayaa waxaa ka dhashay dhibaatooyin dhinaca nolosha iyo caafimaad daro dadka ku nool deegaanada Shabeellaha Hoose, iyadoo la tilmaamay inay dadka qaarkood wajahayaan Gaajo, macluul iyo Cuduro kala duwan.
Qaar ka mid ah dadka deegaanka oo la hadlay warbaahinta ku hadasha Afka dowladda ayaa codsaday in gurmad lala soo gaaro, isla markaana wax laga qeybto dhibaatada ay sababtay Fatahaada.
