Kulan ballaaran oo ay Duubabka Dhaqanka ee Beelaha Mudulood soo qabanqaabiyeen, laguna taageerayey Madaxweynaha Dowladda Federalka inuu mar kale isku soo taago Xilkaasi ayaa lagu soo gebagebeeyey Hotelka City Palace ee magaalladda Muqdisho.
ku dhawaad 1500 oo qofood ayaa madasha soo xaadirtay, wuxuuna Kulankaasi socday muddo shan saacadood oo aan lagu kala kicin.
Mas’uuliyiinta iyo Duubabka Dhaqanka ee Kulankaasi ka soo qeyb gashay waxaa ka mid ahaa Raisul -wasarihii hore ee Somalia, Nuur Xasan Xuseen “Nuur Caddeâ€,  Wasiir-ku-xigeenka Wasaaradda Caafimaadka Xildhibaan Prof. Cusmaan Xaaji Maxamuud “Dufle†Siyaasiga Muuse Suudi Yalaxow, Wasiiro iyo Xildhibaano ka tirsan Dowladda Federalka iyo Hoggaamiye Dhaqameedyo maamus ku dhex leh Beelaha Mudulood.
Imaamka Beelaha Mudulood, Iimaam Maxamed Yuusuf oo Kulankaasi ka hadlay ayaa sheegay inay taageero buuxda u hayaan Madaxweyne Xasan Sheekh, isla markaana u rajeynayaan in mar labaad loo soo dooran ddoono Hoggaaminta Qaranka.
Muuse Suudi Yalaxow ayaa isagana carrabka ku adkeeyey inay Beelaha Mudulood ku mideysan yihiin Taageerida Madaxweyne Xasan Sheekh, wuxuuna hoosta ka xariiqay inay muhiim tahay inay dadku helaan Hoggaan ay ku wada qanacsan yihiin.
Ra’isul-wasaarihii hore ee Dowladdii KJMG, Nuur Xasan Xuseen “Nuur Cadde†ayaa sheegay inuu soo dhaweynayo Tallaabadda iminka ka muuqata Odayaasha Dhaqanka ee Beelaha Mudulood.
Wasiir-ku-xigeenka Wasaaradda Caafimaadka ee Xukuumadda Federalka Xildhibaan Prof. Cusmaan Xaaji Maxamuud “Dufle†iyo xubno ka tirsan Labada Gole ee Dowladda Federalka ayaa iyagana soo dhaweeyey Taageeradda Musharaxnimadda Madaxweyne Xasan Sheekh Maxamuud,waxayna ku ammaaneen Hoggaankiisa suuban iyo Horumarka Siyaasadeed, Nabadda iyo Baahinta Maamulka Federalka.
Kulanka ay Ergooyinka Beelaha Mudulood ku yeesheen Hotelka City Palace ee magaalladda Muqdisho ayaa waxaa aad loogu lafaguray Taariikhda ay ku leeyihiin Hoggaaminta dalka, iyadoo Madaxweynihii ugu horreeyey ee Somalia, Allaha U Naxarfiistee Aadan C/lle Cismaan uu ka soo jeedo Beelaha Mudulood, isla markaana uu ahaa Madaxweynihii ugu horreeyey ee si Dimuqraadi loo soo doortay, xilkana si Dimuqraadi ah kaga degay.
Si kastaba ha ahaatee, Beelaha Mudulood waxay ka mid yihiin Beelaha ugu magaca iyo maamuska badan, isla markaana kaalin hore kaga jira Hawlaha Siyaasadda iyo Horumarinta Qaranka.
©Radio Dalsan
