Boliska Sacuudiga ayaa faahfaahin ka bixiyey Nin doonayey inuu isku dhex ololiyo gudaha Masjidka Kacbadda Barakaysan ee magaalladda Maka Al-mukarama.
G/le Samiix Al-salami oo ah Afhayeenka Boliska jooga Kacbadda ayaa shalay sheegay in la qabtay Nin Sacuudiyaan oo da’da 40-aadka ku jira, kaasi oo doonayey inuu dab is-qabadsiiyo, isagoo isku shubay Gasoline.
Afhayeenka waxa uu tilmaamay in Eedeysanaha la qabtay, ka hor inta uusan ku kicin falkaasi, waxaana la hadal-hayaa in ninkaasi xanuun dhinaac Dhimirka qabay.
Muuqaal Video oo Baraha Bulshadda la soo dhigay ayaa ka muuqda iyadoo Ilaaladda Kacbadda iyo dadkii dawaafayey Kacbadda gacanta ku dhigeen Ninkaasi, lagana saaray gudaha Kacbadda.
Dhinaca kale, Hay’addaha Amamanka Sacuudiga weli ma shaacinin magaca Eedeysanaha iyo Sawirkiisa oo muuqda.
©Radio Dalsan
